Wenn de wetsch filme, wie d Dashka wieder spielt mit de Jüngste... und voila Vorführeffekt, d Dashka denne lieber umesnifft😆😅
D Körpersproch vo de Nika zeigt so schön, wie umesniffe (vo de Dashka) eifach ablehnendes Verhalte sy chan und unter Hünd ebbe ohni Wertig.
Mir Mensche rege üs teilwiis über Sache uf, weil mir irgendwas dri interpretiere. "De Hund snifft umme, weil er kei lust het, weil er ned wett folge." Wetter ned folge oder isch er grad us emme Grund überforderet oder het Schmerze?
"De Hund snifft ständig, er isch so notgeil." Ischer vellicht interessierter an de Umwelt weil du dich über ihn nervsch und er vo dem gnervte weg wett (weil au das überforderet) und drum no mehr snifft?
Maybe... isch es eifacher, dass mir üsne Gedanke selber mal zuelose zum merke, wie verkopft mir teilwiis sy.
Au das ohni Wertig, weil das Bewerte in dem Kontext nix bringt. Es gaht ums Wahrnäh vo üs selber, üsne Glaubenssätz gegeüber was mir vom Hund verlange und drüber was mir fühle, wenn unsi Glaubenssätz und Idee ned so umgsetzt werde vom Hund wie mir das gern hättet.
Es isch höchsti Zyt all de X-mal negierti Alpha-Quatsch, Dominate Hund Humbug und Sexismus gegeüber Rüde z heile 🙏
De Quatsch mit Humbug chönt mir all absetze so wie d Bijou das unte links im Video macht, mit ihrem 💩
Für das was üsi Hünd liebed und warum mir sie so bruchet: Harmonie & Geborgeheit.
Grüsse zum Neumond
